روايه في حمايه صعيدي لكاتبتها اسراء ابراهيم
المحتويات
عالي يا ام بدر تعالي رحبي بمرت ولدك
صفاء ببرود وهي خارجة من المطبخ اهلا وسهلا بناس مصر
نبيل بود اهلا بيكي يا ام بدر لسة كيف ما كنتي ست الناس كلها
صفاء باحراج تسلم وتعيش يا ابو باسل انتو اللي نورتو البلد كلياتها
منصور بفرحة چهزتي كل حاچة يا ام العريس
صفاء بغيظ ايوة كل حاچة چاهزة يلا يا عروسة اطلعي مع چميلة فوج عشان تچهزي ياااا چميلة
چميلة بتوتر نعم ياما
نبيل بفرحة انتي كبرتي خالص يا جميلة انتي مش فاكراني انا عمك نبيل
چميلة بخجل وه حجك عليا يا عمي اني معرفتكش كنت فاكرك طشاش اكده من حكاوي ابوي عنك
قربت جميلة وحبت علي ايد عمها باحترام وهو طبطب عليها بحب
جميلة بفرحة وه من زمان كنت عايزة اشوفكم والله
اتفاجأت فريدة بجميلة وهي بتقرب منها وبتسلم عليها بود فابتسمت جميلة وحست بالراحة من ناحيتها غير صفاء اللي مرتاحتش لنظراتها
صفاء بجدية خدي فريدة وطلعيها اوضتك وساعديها تچهز ها كيف ما جولتلك
فريدة بقصد وهي بتبص لصفاء ده معاذ ابني
صفاء بصت لبدر پغضب وبعدين سابتهم ومشيت
جميلة بفرحة اهلا يا معاذ انا ابجي چميلة بس انت جولي يا چوچو انا صحابي بيجولولي اكده ماشي
معاذ بفرحة ماشي يا چوچو
نبيل بابتسامة معاذ هيجي معانا عشان هو راجل مش كدة يا معاذ
ضحكت جميلة واخدت فريدة بحماس وطلعت تحت نظرات باسل اللي مركزة عليها
.....................
بارك الله لكما وبارك عليكما وجمع بينكما في خير
ضړب الڼار اشتغل اول ما المأذون قال كلمته ووقف بدر يستقبل المباركات من الكل وفي نفس الوقت كانت فريدة في اوضة جميلة ولابسة فستان ابيض وقاعدة متوترة اوي واتنفضت اول ما سمعت ضړب الڼار
فريدة پخوف خاېفة اوي يا جميلة انا عارفة ان المفروض متكلمش واقولك كدة بس انا ارتحتلك اوي وعشان كدة بتكلم معاكي بصراحة
جميلة وهي الجلوب عند بعضيها يا حبيبتي وبعدين مش رايداكي تخافي واصل اني اهنه چارك وكمان بدر اخوي زينة الرچال هو اينعم صعب شوي لكن جلبه ابيض من الحليب بس نصيحتي ليكي متجفيش جصاده وهو مضايج وانتي هتشوفي حنيته بحج وحجيجي
جميلة بحماس يلا بينا زمان الحريم تحت عمالين يسألو العروسة المصراوية فينها والله ربنا يستر من عيونهم اللي تندب فيها رصاصة حاكم لو نشوكي عين ممكن ترجدي فيها
فريدة بضحك ضحكتيني والله انتي دمك خفيف اوي
جميلة بغرور مصطنع والله ده اجل حاچة عندي يلا بينا يا مرت اخوي
فريدة قلبها اتقبض اول ما جميلة قالت كدة وكانت خاېفة احسن شريط حياتها يتكرر تاني وتعيش نفس اللي عاشته بس حاولت تقوي نفسها بابوها واخوها وانهم جمبها ومش هيسيبوها مهما حصل
........................
كانو الستات عمالين يتكلمو بهمس علي فريدة وهما باصين ليها وكان واضح اوي ليها انهم بيتكلمو عليها فكانت متوترة اوي وبتحاول تبص بعيد عنهم واللي كانت حاسة بيها جميلة فقربت منها وشدت ايديها عشان تروح معاها
جميلة بحماس تعالي اوريكي بدر وهو بيرجص مع الرچالة
فريدة كانت بتبص علي بدر من شباك المنضرة اللي في الحريم كلهم وكانت شايفاه وهو لابس الجلبية والعمة وبيرقص وكان شكله حقيقي يبهر فكانت مركزة اوي معاه من غير ما تاخد بالها لحد ما عيونها اتقابلت مع عيونه فكانو باصين لبعض فاتوترت فريدة وبصت في الارض وبدر كان بيرقص وهو عنيه عليها اما جميلة فشافت فارس وهو بيشاورلها تحصله فاتوترت وسابت فريدة وخرجت بسرعة من البيت ومشيت بعيد عن الفرح وهي متأكدة ان مفيش حد هياخد باله منها بس عيون باسل كانت متابعاها
.........................
منصور دخل اوضة الضيوف بسبب صفاء اللي ساحباه وراها
منصور پغضب في ايه يا ولية ساحباني وراكي اكده ليه
صفاء پغضب مش خابر ليه يا منصور عشان كدبك عليا جولتلي البنتة كانت متچوزة وجولنا ماشي لكن تطلع مخلفة يا منصور ليه تعمل اكده في ولدك مش صعبان عليك وانت مچوزه لواحدة ارملة ومعاها عيل وهو اول مرة يخش دنيا
منصور بتنهيدة يا صفاء بدر زي ما هو ولدك ولدي انا كمان بس تعالي نحسبها لو اخوكي انتي اللي مكان اخوي وبت اخوكي مكان فريدة
وحصلها كيف اللي حوصل ليها مكنتيش هتطلبي منه يتچوزها وينقذها من اللي واجعة فيه
صفاء پغضب متغيرش الحديت يا منصور انا لا اخوي مكان اخوك ولا بته مكان بت اخوك فبلاش تجول اعذار خيبة
منصور بجدية ولدك خلاص اتچوز يا صفاء ومرته تبجي بت عمه
متابعة القراءة
