قصة مريم ومؤمن بقلم روني محمد
المحتويات
بص انت هتروح دلوقتي تقولهم معجبتنيش مش بالموصفات الي انا عاوزها...
ده الي هي ايه بس عشان ابقى عارف..
هتطلع تقول لبابا كل شئ قسمة ونصيب بص قولهم مثلا انا كنت عاوز واحدة مش منتقبة قولهم ان أنا طلعت پخوف شكلي معجبكش اي حاجه ... قولهم اي حاجه المهم تبوظ الجوازه دي...
طيب انا عاوز اشوف وشك
وشي ايه الي تشوفه ده أنا اسيح دمك ولأني ارفع نقابي قدام راجل ...
انت عارف اخر واحد قالي عاوز اشوف وشك عملت فيه ايه!!
عملتي ايه وهو مين الي اتجرأ وقالك كده اصلا...
ده موظف البنك بيقولي عاوز يشوف وشي قال ايه عشان يتأكد انه مطابق للصورة ولا لأ...
صح ده طبيعي ...
يلا الله يرحمه ميجوزش عليه إلا الرحمة...
لا ده قضاء وقدر البنك ډخله عصابة وفجروه وهو كان من الضحايا ..
لا حول ولا قوة إلا بالله.. طب ده ايه علاقته بيه
طب انت عارف كان في عريس كان قاعد مكانك هنا من يومين ...
وطلب يشوف وشك بردو..
لأ منا رفضت وهو صمم وكان جي مرة تانيه عشان الرؤية الشرعية
وبعدين!!
شوف سبحان الله يشاء القدر ان وهو ماشي تحت بلكونتنا بالصدفة تقع على دماغه اصيصة زرع
منا قولتلك لأ .....جاله بس فقدان فالذاكرة...
طيب الحمد لله...
ها رأيك ايه هتطلع تقولهم كل شئ قسمة ونصيب ولا لسه مصمم تشوف وشي...
احم طب مفيش اختيارات اصل انا مڠصوب بردو عالجوارة دي
ليه ان شاء الله كان ابوك هددك انه يقعدك من الكليه ولا هيحبسك فالبيت...
لا هددني انه هيطردني من البيت ومن الشغل اصل انا بشتغل عند ابويا موظف بالشركة
ده انا حالي يصعب عالكافر وافقي بس واتبني حالتي... ولا اقولك احنا هنخليها خطوبه وكتب كتاب على طول...
خطوبة ايه وكتب كتاب ايه... انت مبتتعظش من الكلام الي سمعته ...
مانا مطلبتش اشوف وشك اهوه زيهم انا هخدك زي مانتي كده وابقي اشوفه بعدين ....
لا إله الا الله
محمد رسول الله ... نقول مبروك
خلاص سهلة اطلعي قوللهم انتي انك مش عاوزه تتجوزي واهي تبقى جت منك وينوبك ثواب فيه...
ماهو لو كنت هقدر كنت عملتها من بدري ارجوك قدر موقفي...
وانا مين يقدر موقفي طه دانا وافقت اتجوزك من غير ما شوفك...
طب بص انا جتلي فكرة انت هتمشي دلوقتي وبعد ما تروح تتصل تقولهم كل شئ قسمة ونصيب وانا لو سألوني عن رأي هقولهم بردو كل شئ قسمة ونصيب وتبقى جت مننا احنا الاتنين...
انت بتمد ايدك ليه انا مبسلمش...
استغفر الله لا ده الشيطان مش انا..
يتبع
الجزء الثاني
مؤمن طلعت وحشة أوي
يا ساتر يارب
هنا أخت مؤمن انت اتعميت يا بني وحشة ايه دي قمر... قمررر
مؤمن الجمال ده نسب يعني ممكن انتم تكونوا شايفنها حلوة بس انا معجبتنيش
هنا كداااب.. اذا كان انا بنت واتبهرت بجمالها...
مؤمن اوووف ايه يعني معجبتنيش وخلاص
الاب حيث كده انا اتفقت انا وباباها على كل حاجه ويوم الخميس هنجيب الشبكة وتلبسوا الدبل
مؤمن طب مش كنتوا تعزموني ولا أنا مش معزوم !!
الأب انا قلت الي عندي عجبك ماشي مش عجبك سيب البيت وسبلي مفاتيح عربيتك قبل ماتمشي وروح لصحابك الصيع الي كنت ماشي معاهم خليهم يجوزوك واحدة من الي كنت تعرفهم...
الأب أمال لما ألاقيك بتسهر لوش الصبح وجي يبقى ايه
متابعة القراءة
