القدر إيمان شلبي
المحتويات
احتلتني فجأه بعد كتمان ليومين كاملين قدام اهلي
بعد شويه كنا بنتمشي علي البحر بعد ما هديت شويه لكن مقدرش أنكر اني كان جوايا حزن مش قادره افهم ايه سببه !
لينا بابتسامه وهي بتمسك ايدي
هديتي
هزيت راسي بابتسامه مزيفه
اه
قعدنا علي سور البحر وفضلنا احنا الاتنين ساكتين وبنبص علي البحر اللي كانت أمواجه مضطربه مره هاديه مره بتخبط في الصخور بكل قوتها مره ساكنه تماما وكأن البحر قرر يشاركني حيرتي واضطراب قلبي !
هو اللي بيحب بيحس بأيه!
بصيتلي باستغراب
يعني ايه
يعني انتي مخطوبه عن قصه حب ايه هو مفهوم الحب بالنسبالك يعني بتحسي بأيه وانتي معاه ازاي قدرتي تتأكدي أنه الشخص المناسب
بصت قدامها وحركت رجلها بتلقائية في الهواء وهي بتبتسم بخجل
احساس الحب مع الشخص المناسب مفيش اجمل منه
لما بكون معاه بحس براحه غريبه بحس ان قلبي مرتاح مفيش عليه اي حمل قلبي بيدق بأقصي سرعه عيوني بتفضل تبص لملامحه وعقلي بيطبعها ببقي علي طبيعتي معاه يا ريناد مش بحاول اتصنع عشان أعجبه لما بحتاجه بلاقيه لما بتضايق بجري عليه لما بحقق أي إنجاز بجري عليه فورا عشان اشاركه فرحتي اللي مش بتكمل غير بيه
شوفت بوست من كام بيقول
في نظره أنا فراشة
آه لو يعلم
أنه لا يرى إلا تأثيره !
شهد آل حجاج
تأثير وجوده في حياتي بيحسسني اني فراشة بتطير بكل خفه
بصيتلها بتشوش وحيره
ا انا عمري ما حسيت بأي احساس من اللي قولتي عليه ده
ابتسمت بهدوء
يبقي لسه الحب مدقش علي قلبك !
معقوله ط طب وأحمد وسليم
عمرك حسيتي وانتي مع احمد أن قلبك بيدق جامد
هزيت راسي بنفي وشرود
طب سليم عمرك مثلا حققتي اي نجاح وحبيتي تشاركيه فرحتك
هزيت راسي بنفي للمره التانيه بيأس
قلبك عمره ما دق في وجود سليم
لا
ردت بسخريه
اومال حب ايه اللي بتتكلمي عنه لا مؤاخذه
فركت ايدي بتوتر وانا ببلع ريقي
قاطعتني بهدوء
هو انا ممكن أسألك سؤال يا رينو
اسألي
انتي ايه اللي عاجبك في سليم وأحمد
سليم وسيم جد مثقف رياضي طموح كاريزما
احمد دماغه لاسعه جنتل رومانسي بيقول كلام حلو للبنات اللي مرتبط بيهم وكلامه بيعجبني!
بصيتلي وهي بتضحك بذهول
انتي بتتكلمي جد
انتي بتضحكي علي ايه
عليكي طبعا لا بجد ايه التفكير الغريب ده انا بقول عليكي عاقله
مطيت شفايفي وانا ببص قدامي بحزن وضيق
ايه الغريب في كده دلوقتي
اتنهدت وردت بهدوء وعقلانيه
ريناد حبيبتي احمد وسليم شخصيتين عكس بعض تماما انتي بتحبي في احمد حاجات معينه مش موجوده في سليم والعكس صحيح بس لو جينا بقي للواقع انتي شخصيه بتحب النوعين يعني عايزه واحد ميكس
وقبل كل الكلام ده انتي احساسك بيكون ايه وانتي مع كل واحد فيهم
هزيت اكتافي بحيره
ولا حاجه مجرد اعجاب
يبقي انتي لا حبيتي سليم ولا احمد
تفتكري !
جدا
اتنهدت وانا برد بحزن
اتمني اقدر احدد مشاعري في اقرب وقت
رجعت البيت علي الساعه ٩ ولسه هدخل من باب العماره لقيت يحيي في وشي
بصيتله بضيق وكنت ندخل من غير ما اسلم عليه بس هو سد الباب بجسمه اللي شبه البغل
رفعت حاجبي وانا برفع عيوني في عيونه
عديني لو سمحت
هز رأسه بنفي وبرود
توء
اتعصبت عليه وزعقت في وشه
بقولك عديني
برضو لا
هو
متابعة القراءة
