قصه حنين
المحتويات
طب ما البنات شكلها حلو وهيا نايمة أهي اشمعنى إخواتي بيكونوا فاتحين بؤهم وشكلهم شبه جعفر
بقالها ربع ساعة نايمة على كتفي أنا مستغرب إزاي قدرت تنام وسط الدوشة والحر دول
يا أنسة ممكن استرد كتفي بعد إذنك يا أنسة لو سمحت
فتحت عينيها وأول حاجة جت في بالي اللهم بارك عينيها بټخطف فيها كمية براءة وحنية غريبة
إنت إزاي تسمح لنفسك تقعد جمبي إنت عارف أنا مين أصلا معندكش رجولة للدرجادي وصل بيك الانحطاط تقرب مني بالشكل ده وتنام على كتفي إنت إيه معندكش أخوات بنات ياعديم الكرامة والرجولة رجالة آخر الزمن وسك كده متتنحش عايزة انزل جتكوا القرف مليتوا البلد
أنا مصدمنيش كلامها قد ما صدمني أسلوبها إزاي بيتحولوا كده ده جزائي عشان صعبت عليا ومرضتش اصحيها أول ما نامت ده أنا كنت فاكرها كيوت ده إنتوا صنف عجيب فعلا
بابا تعب تاني يا ألاء وسهرت جمبه لحد الصبح ونمت في المواصلات ولما صحيت لقيت واد نايم على كتفي
والواد ده لسه عايش ولا قضيتي عليه
حظه حلو إني مكنتش فيقاله
مش ناوية تودي باباك يتحجز في المستشفى
مش جايلي قلب اسيبه هناك تاني لوحده ويعاملوه المعاملة دي تاني وكمان المرتب مش هيكفي مصاريف المستشفى مش عارفه اعمل إيه ولسه مصاريف حضانة أختي وإيجار الشقة حاسة إني شايلة جبال فوق راسي
يارب
ريحت راسي على شباك الباص وبصيت للسما يارب الحمل تقيل مش قادرة اشيله لوحدي هون عليا محدش عالم بيا غيرك مسحت دموعي ودفعت الأجرة ونزلت عند العمارة
الحمدلله إن الدنيا ضلمة عشان البواب ميشوفنيش ويفضل يزعقلي على الإيجار إللي مدفعتهوش
لسه صاحية يامريم
شطورة يامريم حد خبط عليكوا انهارده
آه في عمو جه إداني وصل النور وبنبوني
من إمتى وكشاف النور بيدي بنبوني
طيب ياحبيبتي هروح أطمن على بابا وأعمل العشا ومتاخديش حاجة من حد غريب تاني
حاضر ياحنين
يا أنسة الورقة دي وقعت منك
بصيت ورايا وأنا خاېفة يكون البواب
العمارة بتاعتك إنت بتعملي إيه هنا
هو إنت البواب الجديد إزاي يوظفوا إنسان بالأخلاق دي هنا أما ارجع من شغلي هشتكيك واعرفهم حقيقتك وارفدك من شغلك
ليه كل مرة بقابلها لساني بيقف ومش بعرف أرد عليها ليه بتنفعل أوي كده بالرغم إني معملتش حاجة
عم فتحي
مين الآنسة إللي لسه خارجه دي
دي إللي حكتلك عنها عليها شهرين إيجار وكل شوية تقول هدفع الشهر الجاي بتدلع ياباشا من شكلها باين إن حالتها المادية كويسة بس مش عارف مبتدفعش ليه
خلاص ياعم فتحي أنا هتصرف
خبطت على الشقة طلعتلي البنت الصغيرة إزيك يامريم عامله إيه انهارده
ضحكتلي عمو بتاع البنبوني
بمناسبة البنبوني خدي المصاصة دي
حكت إيديها ورا ضهرها بس أختي قالتلي مخدش حاجة من حد غريب
مش إحنا اتفقتا إننا صحاب
إممم يعني إنت مش غريب صح
صح إنت قاعدة لوحدك
لا بابا جوه
طب ممكن أكلمه
بابا مش بيتحرك من السرير عشان تعبان
طب مفيش حد تاني جوه
أختي في الشغل وهتيجي بالليل وماما راحت الجنة
فضلت باصص ليها شوية وهيا ملهية في المصاصة وبتاكلها بفرحة تقريبا عندها أربع سنين عيونها فيها نفس براءة أختها تحس إنها بتربطك
بحبل مخفي وبتشدك ليها ومش
متابعة القراءة
