مكتوبه علي اسمي الفصل 41
وامجد مشي بعربيته.
بعد دقايق قليلة نزلت البنت من عربية علاء وقربت من الفيلا ووقفت قدام الحرس اللي بيأمنوا الفيلا واتكلمت معاهم بدلع مساء الخير.
كانوا اتنين حرس واقفين على البوابه بصولها بستغراب وهي قالت برقه مش دي فيلا المهندس عاامر الچارحي
رد الحارس اه يا فندم.
اتكلمت بدلع ممكن اقابله
الحارس بس الباشمهندس مش موجود.
الحارس ايوا يا فندم.
البنت طب ممكن تقولها اني عايزه اقابلها بخصوص المهندس عامر.
الحارس هز راسه بالايجاب وطلب من زميله يكلم آيات ويبلغها.
آيات كانت طلعت غرفتها لكنها لسه مغيرتش لبسها والحارس كلمها وقالها ان في بنت عايزه تقابلها وبتقول بخصوص المهندس عامر.
آيات قلقت اول لما سمعت اسم عامر ووافقت تقابلها ونزلت بسرعة والحرس سمحوا للبنت بالدخول وهي كانت داخله الفيلا ومركزة جدا انها تعرف كم عدد اللي موجودين في الفيلا.
ردت البنت بتوتر اه انا كنت مهندسة في الشركة عنده وكنت مسافرة بقالي فترة ولما رجعت عرفت اللي حصل وجيت اطمن عليه.
آيات بصتلها بدهشة لان البنت شكلها مكنش مريح ابدا وقالتلها شكرا علي اهتمامك.
البنت بصت حواليها وقالت هو مفيش حد هنا غيرك اسأله عليه
البنت قامت وقالتلها طب شكرا يا جميل تعبتك معايا.
آيات بصتلها بستغراب والبنت خرجت بخطواتها المستفزة وصوت الكعب العالي اللي عمل ازعاج ل آيات وقالت بغيرة وڠضب مهندسة إيه دي!! معقول عامر يعرف واحدة من الأشكال دي!! لا اكيد لا عامر مش كده ابدا وعمره ما يكون كده!
آيات مسكت الشنطة وهمست بستغراب دي نسيت شنطتها!!
وكلمت الحرس وقالتلهم ان الضيفه إللي كانت موجودة دلوقتي نسيت شنطتها ولو رجعت عشان تاخدها هي موجودة في الفيلا جوه.
البنت طلعت من الفيلا بسرعة وقربت من عربية علاء اللي ركنها بعيد عن الفيلا وركبت جنبه وقالت الفيلا فاضيه مفيش غيرها فيها وفي اتنين حرس على البوابة الكبيرة هنا وفي اتنين على البوابة التانيه.
... يتبع
البارت كبير اهو الكل يتفاعل بقى عشان تشجعوني اكمل ومتنسوش تكتبوا توقعاتكم في التعليقات واعملوا متابعة لصفحتي الجديدة
روايات ملك إبراهيم
