رواية حب خلق بداية مروة البطراوي

ابتعد عنها حتي لا يلوثها بماضيه و يلوث أبنائه أيضا يعتقد أن مثله ليس لهم فرصه في الحياه وتأكد من ذلك بعد رؤيته لولاء بعكس قدرى الذي لم يبالي أو قد يكون لأن ارتباطه سيكون بهاجر وهي تعلم الأن هو ابن من تردد حليم وهو يتحدث قائلا
انتي بتشفقي عليا و صعبت عليكي بعد ما شفتي أمي دي شكلها ايه...
تعالت شهقاتها و مسحت دموعها قائله

أنا عمرى ما هندم علي انسان كنت بمۏت وهو بعيد عني..طبعا كلكم فهمتوا من ضحكي و هزارى ان مش في دماغي.
واستطردت بۏجع قائله
..لا يا حليم أنا كنت بنام أفكر يا ترى هترتبط بمين غيرى.
انتفض حليم قائلا
انتي بتقولي ايه...لو علي الارتباط أنا لا يمكن أرتبط الا بيكي أو هفضل طول عمرى من غير جواز...بس مش هقدر يا وئام...أنا أمي اللي انت شفتيها دي رمتني أنا وأختي لأبويا ولسه جايه تفتكر بعد 23 سنه.
واستطرد يتنهد بتعب قائلا
..عمرى كله اللي أعرفه ان أمي ثريا...وطلعت مرات أبويا..مرات الأب اللي كل الناس پتخاف منها طلعت بالعكس أم وصاحبه وحبيبه.
نظر في عينيها بقوة وسألها قائلا
..انتي تقدرى تتجوزى واحد أمه بالشكل ده...هتقولي في الأول أه لكن لما تخلفي أولاد وتظهر فجأة الست دي وتعمل نفس الفصل البايخ هتقولي ايه للأولاد..
وضړب علي صدرها قائلا
.أنا هقولهم ايه...انت مفكرة انه سهل عليا ان أبعد عنك...لا خالص.....أنا بحبك جدا...وعلشان بحبك لا يمكن ألوثك.
ثم تمسك بيدها قائلا
..مش عايزك ټندمي وتقولي ياريتني...يا وئام...عرفتي ليه بقي بعدت عنك كل ده.
نهضت وردت بحزن قائله
عارف لو الفصل البايخ ده حصل لأولادنا هقولهم ايه هقولهم يا بختي اتجوزت واحد بيحبني زى أبوكم...بس انت اللي ما صدقت تسيبني.
واستطردت تبكي و تترجاه قائله
.تعرف بس لو تعطيني فرصه و نجرب...ده كل اللي طلباه منك...علشان خاطرى يا حليم.
ثم تمسكت بيده بكل قوتها قائله
..تعالي نفكر في بكره و ننسي الماضي بكل ما فيه...وانا هساعدك و هنسيك...قولي بس بحبك يا وئام و هتجوزك.
تنهد حليم قائلا
نفسي يا وئام...حابب أي فرصه تجمعني بيكي...بس خاېف...أنا بحبك لدرجه ان خاېف عليكي مني...ومش قادر أتخيل بعدي عنك أكتر من كده.
واستطرد وهو يمسح دموعها قائلا
..تعرفي اني كنت راجع ليكي و هخطبك زى أي انسان طبيعي و هصارحك بحقيقتي...بس للأسف بعد ظهورها أنا ادمرت.
جذبته برقه من يده وهتفت بحب قائله
أنا هشفي كل جروحك...لأني بجد بحبك مش شفقه زى ما انت فاهم...علشان خاطرى وافق يا حليم اننا نرتبط ببعض.
رفع يدها الي شفتيها وقبلها قائلا
خاطرك ده غالي عليا يا ويمي...هظبط أمورى و هجيب ماما ثريا وأخواتي ونجي نطلبك.
انفرجت أساريرها حتي هو أيضا اتسعت ابتسامته لتخجل منه وهو يرفع اليها حاجبيه بمكر فخجلت وأخفضت رأسها.
حب_خلق_بداية بقلمي مروة_محمد_مورو
بعد انتهاء مقابلته ذهب الي ولاء في عقر دارها لينهي ما بهم فتحت له ولاء الباب واتسعت حدقه عينيها بسعاده قائله
حليم مش معقول أخيرا يا حبيبي.
دلف حليم ينظر الي منزلها باشمئزاز واستهزاء رغم فخامته ولكن يبدو أنه ليس من تعبها و كدها مثل ثريا وجدها تحيط ظهره بيدها قائله بخبث
أنا فرحانه أوى يا حليم انك عيدت حساباتك ورجعت ليا.
أزاح يدها من علي كتفيه و الټفت اليها ليسمعها تهديده و وعيده قائلا
أنا جيت هنا علشان أقولك نجوم السما أقرب لك من ميارا .
رفعت ولاء حاجبيها باستهزاء ليزيد من ڠضبها قائلا
..وعلي فكرة رغم ان ميارا لسه متعرفش حاجه بس عايزك تحطي في بالك لو جبتلها مېت دليل ودليل هتصدق الست اللي ربتها و كبرتها.
نظرت له ولاء پحقد وغل قائله
تعرف يا حليم انت غلبان أوى لأنك اتربيت علي ايديها علي القيم والمبادئ وهي كانت مقضياها حتي و أبوكم عايش مش بعيد
ثم اقتربت من أذنه مثل الأفعي قائله
نور وهاجر يكونوا أولاد حد تاني غير سراج...لكن أنا أمك كنت واضحه و صريحه كله عندي بالجواز.
مسك حليم يده و كورها لا يريد أن يصل الي هذا المستوى ويضرب السيده التي حملته وليس هذا فقط هو لا يريد اهانه وهو يضرب أي سيده ولكنه تماسك قائلا
قلتلك مېت مرة أنا مش عايز أمد ايدي عليكي مش علشانك أمي لا علشانك ست..
واستطرد يجز علي أسنانه قائلا
.بس انتي مصرة تحمليني ذنب أفضل أحاسب نفسي عليه طول عمرى
ابتسمت بخبث قائله
اضرب علشان أثبت كمان ان تربيتها زباله وقدرت تضحك عليك بكلمتين خليتك تكرهني...لأن أنا اتظلمت كتير منها.
تنهد حليم قائلا
ياريت يكون كده فعلا..عارفه ليه لأنك لو مظلومه ربنا هيجبلك حقك و هيسخر أولادك لكده...لكن زى ما انت شايفه لا سحر ولا شعوذه دي الست اللي خلقت بدايتنا و هتفضل طول عمرها تاج راسنا رضيتي أو رفضتي انتي أساسا ملكيش رأي عندنا
وجدها تفور من الغيظ ليزيدها قائلا
ولو علي ميارا هعرفها كل حاجه و هتتجوز زياد و أوعدك انتي معزومه في فرحها و هيكون مع فرح اولادك الصبيان يعني التلاته اللي جبتيهم الدنيا هيتجوزوا واتنين منهم هيتجوزوا من اللي أهلهم ألد أعدائك.
واستطرد بسخريه قائلا
.أنا جيت النهارده علشان أعرفك ان رجوعك مش هيغير حاجه غير اننا هنعتبرك هوا مش أكتر عاصفه عديت علينا يوم ولادتنا
ثم فتح ذراعيه في الهواء بسرور قائلا
و شرقت الشمس من بعدها تنور حياتنا بمعني أصح احنا أفضل من غيرك.
وتركها ورحل تتأكل كأنها تسكن فوق فوهه بركان فحيم لا تدرى ماذا تلعب لم يكن عندها أي ورقه رابحه بعد ميارا التي من الممكن أن تكون مثل ما أكد حليم عنها.
موكا_سحر_الروايات نوفيلا حب_خلق_بدايه
هاتفت خطاب ليزفر بحنق عندما وجد اسمها يضئ شاشة هاتفه ورد عليها پغضب قائلا
خلاص معدش في ايدي حاجه.
عقدت ولاء ما بين حاجبيها قائله
يعني ايه
رد عليها بضيق قائلا
طردوني من الشغل.
ابتسمت ولاء بسخريه قائله
مش مشكله ابنك موجود.
جز خطاب علي أسنانه قائلا
وابني هيعمل ايه
رد بكل جبروت يكسر قلب أي أحد حتي لو كانت ابنتها قائله
اتصرف وخليه يطلق ميارا.
استغرب خطاب من قسوته .هو أيضا قاسې ولكن ليس مع ولده.
مروة_محمد في جروب موكا سحر الروايات اتمني انضمي ليه وضيفي اصحابك محبي الروايات معاكي في الجروب
بعد ما تركتها حنان ورحلت كادت أن ترحل فوجدته يقف عقدا لذراعيه فوق صدره يستند علي حافه سياراته ويبتسم اليها بخبث وعينيه تتلهف اليها قائلا وهي تتقدم منه
قلبي علشان خاطرى بلاش تزعلي مني...هو حليم مش قالك...ليه مش بتردى علي تليفوناتي بقي.
عبست هاجر بعينيها قائله
انت اللي محبتش تشاركني كل حاجه من الأول...زعلت أوى يا قدرى وأنا بسمع من نور وعامله زى الهبله.
واستطردت بضيق قائله
..حتي ميارا نفسها لما أخدت منك الهديه فضلت تتهرب مني خاېفه لأشك فيها...أنا فعلا شكيت فيها وفيك.
زم شفتيه قائلا
أنا مليش ذنب...وبعدين ايه شكيت فيك ده...طب ليه محدش شك في حليم وهو بيعدي الأمر عادي ده هو صاحب الفكرة.
مسحت هاجر علي وجهها بغيظ قائله
أنا قلت انه عدي الموقف علشان زياد ميطربقهاش...و أيوه شكيت فيك.
وتابعت بغيرة قائله
..انت جت عليك فترة لما كنت بتشوفنا سوا في أي مناسبه كنت بتركز عينك علينا احنا الاتنين.
تعالت ضحكات قدرى قائلا
هههههههه يا عيني عليا أنا جالي حول أصلا من ساعه ما عرفت ان واحده منك أختي بقيت أقول دي شبهي لا طب دي لا طب ايه يا مرارى الطافح.
و استطرد يتنهد بحب قائلا
..قلت يارب متطلعش هاجر...ده لو كنتي انتي أختي كنت هجيت من البلد....أعمل ايه بس يا هاجر كنت في حيرة.
ثم لوى شفتيه بامتصاص قائلا
..وكفايه عليا البغل زياد كمان اللي قالي انه عايز يخطب واحده منكم....أنا كنت خاېف لتطلعي انتي.
ابتسمت هاجر قائله
للدرجه دي
تنهد قدرى قائلا
و أكتر أنا بحبك أوى.
نظرت اليه بخبث قائله
اممممم...ولما هو كده ليه هدية ميار أحلي من بتاعتي.
ابتسم علي غيرتها حتي من شقيقتها قائلا
طب والله العظيم ما أنا اللي جايبها..
قطبت هاجر حاجبيها قائله
ازاي
تنهد قائلا
هقولك..لما زياد خطب ميارا فرحت لأنه مخطبكيش بس فضلت قلقان يا ترى هاجر أختي ولا ميارا عرفت زياد اني عايز أخطبك بس قلقان لتكوني مش بنت ثريا طبعا هو فهمني غلط وجرى علي حليم وقاله أنا مش زعلان منه هو يمكن خاف ان جاي أتجوزك علشان الورث ولا حاجه.
واستطرد بسعاده قائلا
.حليم رغم انه بيحبني كان هو و مامتك أكتر ناس رحبوا بجوازنا بس كان زعلان من السؤال ده وأنا اضطربت أجاوبه علي اللغز و حكيت له ان كان نفسي أجبلها هديه و مقدرتش
كانت متنبهه لحديثه ليغمزها قائلا وهو يرفع يده باستسلام
قام مطلع الهديه وصمم اني أعطيها ليها.
ابتسمت هاجر قائله
أها....طب كنت ساعتها عايزني أتقبل الموضوع كده عادي.
هز قدرى رأسه بالسلب قائلا
والله كنت خاېف من احساسك أكتر واحده...و أديني أهو رغم اني عارف انك أكيد عرفتي الا أني سايب شغلي و جتلك من ساعة ما تجاهلتي تليفوناتي...
ابتسمت هاجر قائله
طيب...خلاص يا قدرى.
انفرجت أساريره قائلا
بجد يا هاجر يعني مش زعلانه
نظرت اليه بثقه قائله
انت بتشك في كلامي.
تنهد قدرى براحه قائلا
أبدا بس بسبب الموضوع ده كنت ضايع...و أهو كل اللي حصلي أنا وميارا و حليم بسببها...والله ما كان نفسي أعرف الحقيقه.
ربتت هاجر علي كتفيه قائله
معاك حق....تعرف أنا اشتاقت لميارا القديمه اللي كانت تضحك و تهزر ومش شايله للدنيا هم.
تنهد قدرى بتعب قائلا
لا ولسه التقيل جاي ورا الست ولاء رجعت و بدأتها بحليم حرجته قدام وئام وقالت انها أمه ولسه ناويه توقع بين زياد وميار و تاخدها وتسافر.
شهقت هاجر ووضعت يدها علي شفتيها قائله
يا حبيبتي يا ميار.
وضع قدرى يده علي رأسه بضيق قائلا
ربنا يعدي الفترة الجايه علي خير.
هزت رأسها قائلا يارب ثم استوقفته قائله
علشان كده كنت بتراسلني و خاېف تقول انت مين
تنهد قائلا
أيوه يا هاجر...وكنت ناوى لو أختي عمرى ما هعرفك اني صاحب الرسايل...و لجأت ليها لأني عارف انك انسانه جامده مش بتنساقي ورا عواطفك.
تعالت ضحكاتها قائله
يا راجل ده انتي يوم ما قلت ليا هخطبك كان نفسي أجيبك و أنفخك

بس أنا فعلا بنسي بسرعه و بحاول أتعايش مغ اللي جاي.
غيبيات_تمر_بالعشق بقلمي مروة_محمد_مورو
بعد مرور أيام جائت اللحظه الحاسمه التي سيتم بها معرفه ميارا بكل شئ ...بدأ الحديث من عند حليم وكان في شدة توتره يهز رجله بارتباك قائلا
مش عارف أبدأ منين يا ميارا بس لازم تعرفي.
قطبت ميار جبينها ونظرت الي نور الذي تنهد قائلا
في حاجه بخصوص مامتك...مش ماما ثريا لا مامتك اللي خلفتك بس لازم تفتحي مخك وانتي بتسمعيها مش تتعمي بالحقيقه المزيفه اللي هي ناويه تقولها ليكي.
قلقت ميار وبدأت تنظر في وجوه الجميع ليتنحنح حليم قائلا
أنا عارف انك عاقله و هتوزني الأمور صح...أنا عرفت كل حاجه عنها....حتي أخونا اللي منها عرفته.
ثم فجأة وجه أبصاره نحو قدرى لتنظر هي الأخر لمرمي بصره وتتسع حدقه