عشق لاذع

مكانك هنا جنب مكان الكلب اللي بيحرص البيت
جلس على عقبيه متناولا خصلاتها يرفع رأسها يشير لعينيه
عايزك تفتكري الوش دا كويس وادعي مايكونش اخر وش تشوفيه على الدنيا
هزت رأسها رافضة كلماته مردفة پقهر
ليه ياجاسر!
مفيش حد حبك قدي ولا فيه حد اتمناك قدي ..
ضغط على فكيها حتى شعرت بتحطيمها حاولت دفع كفيه إلا أنها حولته لشيطان مارد..همس لها بهسيس مرعب

قولتلك بلاش تخرجيني عن تربية ابويا لكن اللي زيك ميستهلش غير انك تترمي زي الكلبة كدا..لآخر مرة هقولك الجنين دا لازم ينزل
دفعته كالقطة الشرسة متراجعة بجسدها بعيدا عن قبضته وصاحت پغضب
على چثتي ياجاسر الواد هيجي وهتعرف بيه إلا إذا هفضحك في الدنيا كلها وبالدليل..
اصابه الجنون وكاد أن ېخنقها ولا يتركها سوى أن تلفظ أنفاسها الأخيرة تراجع للداخل يصيح بصوت كالرعد
منيييرة..خرجت سريعا الخادمة متسائلة
أيوة يابيه ..أخرج مفتاح بيته وأشار إلى المنزل
البيت دا تقفلي كل الاوض اللي فيه وتغطي الفرش خلاص مش عايزه ومن بكرة ترجعي لبيتك وقبضك هيوصلك كل شهر..استدار يرمق الأخرى بإحتقار قائلا
للأسف البيت دا ذكرياته بقت زفرة قالها وصعد للأعلى ..ولج لغرفته توقف على الباب يوزع نظراته على تلك الغرفة التي كانت تعج منذ يومين بضحكاتهم ونبضات قلوبهما العاشقة خطى بهدوء وكأن الغرفة أصبحت كثلاجة للموتى بعدما كانت تحتضنهم بدفئها ..وصل لتختهما وهناك ذكريات تلاحق عقله وټصفعه دون رحمة ..ذهب ببصره إلى تلك القطعة الموضوعة التي توضع على جانب الفراش رفعها لأنفه يستنشقها بقوة وكأنه يستمد منها التنفس الذي انسحب من رئتيه..أطبق على جفنيه هامسا بنبرة مټألمة
سامحيني ياجنى عارف اني كسرتك ڠصب عني يانبض قلبي..نهض متجها لغرفة ثيابها فتح تلك الخزانة التي أصبحت هاوية من محتوياتها ..هنا شعر بسقوط قلبه بين ساقيه وضع رأسه على الخزانة وانسابت عبراته يدعو الله بسريرته
ربي إني مغلوب فانتصر
بقلم سيلا وليد 
بحي الألفي وخاصة بغرفة جواد
أنهى صلاته وجلس لبعض الوقت على سجادة صلاته يدعو الله بسريرته بإستودعاه لأولاده
نهض بساقين هلامتين وجلس بضعف شديد يمسد على صدره من شدة آلامه
ولجت غزل بمشروبه ..انزل يديه ورفع نظره مبتسما
تعالي يازوزو
تحركت ونظراتها تخترق جلوسه حتى وصلت إليه وضعت المشروبات على طاولة دائرية ثم رفعت رأسها تطالعه بصمت لفترة..ضيق مابين حاجبيه وتساءل
بتبصي كدا ليه !
رفعت إحدى حاجبيها ثم تسائلت
مخبي عليا ايه ياجواد ومتفكرنيش عبيطة ومش ملاحظة إنك بتحاول تكون كويس وفين الاشاعات اللي المفروض عملتها ..مخبي عليا ايه ياجواد وياريت ماتستغباش عقلي
مفيش حاجة يازوز انا بس مضايق علشان جاسر وجنى
خرجت تنظر إليه بلهفة
مالهم ..اتخنقوا تاني العيال دي مش عايزة تهدى دول بيعشقوا بعض
تراجع بجسده على الأريكة ممدا على الأريكة أشار بعينيه على اقترابها بجواره..تحركت حتى حاوط أكتافها بذراعيه
فيه موضوع كنت مخبيه عليكي من فترة كنت عايز أتاكد مش اكتر
سحب نفسا وطرده يطالعها بنظرات مټألمة
فيروز حامل!!
زوت حاجبيها تهز أكتافها
واحنا مالنا ماتحمل ولا ټموت حتى..صمتت تضيق عيناها ثم تسائلت
ازاي حامل هي مكنتش استئصلت الرحم
تنهد بحزن فيبدو أن زوجته لم تعي كلماته كل ما أصاب عقلها استئصال الرحم ..احتوى كفيها قائلا 
زوزو ركزي وحياة ابنك انا دماغي سايحة لوحدها
لحظات تهز رأسها متراجعة بجسدها بعيدا عنه
مستحيل اللي انت عايز توصله دا ابني مش غبي..نهضت وكأن كلماته كانت طاغية لإستيعاب ما يشير إليه
دارت في الغرفة تمسح على وجهها پعنف تكاد تقتلع جلده
لا ..جاسر مستحيل يعملها ابني مش شاذ ياجواد متقنعنيش أنه يعمل حاجة زي كدا وأنه يرجعها لا ويضحك علينا ويعمل مسرحية أنها مابتخلفش علشان يوصل لايه
هزت رأسها تدور كالذي أصابها الجنون تضع كفيها على صدرها
ابني مايعملش كدا لا ..فيه حاجة غلط جاسر بيحب جنى ليه يرجع فيروز وكمان تحمل دا لو ناوي ېموت جنى مستحيل يعمل كدا دا لو حقيقي يبقى الواد دا مش تربيتنا..توقفت عن الحديث
لا ..البت دي كذابة لا جاسر بيحب مراته لا جاسر مش خاېن
أغمض جواد عيناه متراجعا برأسه حتى تنهي صډمتها استدارت بجسدها إليه تصيح به
جواد!!..فتح عيناه يطالعها بصمت اقتربت منه
اوعى تفكر اني هصدق بنت المجرمين دي حتى لو ابنك نفسه جه قال كدا ..ابني مايعملش كدا سمعتني
زفر بقوة حتى شعر بالاختناق فأشار إليها بكفيه
ممكن تقعدي وبطلي جنان انا دماغي لفت مني