عشق الادهم

موافق
أدهم ايوا ياهمس موافق ومعنديش اى اعتراض
همس فكرت ان ممكن يقولها كده لحد ماتبقى مراته ويلغى كلامه ولسه هتتكلم
أدهم قاطعها وقبل ماتفكرى انى ممكن اقول كلام وخلاص 
همس مشاعرها متلخبطه مش عارفه تفرح ولا تزعل والا تضايق بس المهم دلوقت امها التعبانه
همس بصتله اتفاقنا يالا بينا نروح لماما نقولها بس ياأدهم

أدهم كمل هو مټخافيش ده اتفاق بيبنا ومش ممكن حد يعرف احنا هنبقى قدام الناس اسعد زوجين
همس باحراج هو فى حاجه صغيره واحده بس
أدهم قولى ياهمس
همس انا عارفه ان دى اول جوازه ليك بس انا مش هينفع اعمل فرح فيعنى ممكن تبقى حفله صغيره وفيها العائلتين
وبس انا عارفه انى زوتها بس
أدهم مسك اديها مازوتهاش ولا حاجه انا كفايه عليا تبقوا معايا فى بيت واحد وده حلمى
همس بصتله قوى ومش عارفه هو كان فين من زمان
طيب يالا بينا
أدهم يالا
راحوا البيت كانوا كلهم هناك ومعاهم نور الى جت مع اسر لما عرفوا ان هناء تعبانه
لان اسر ميعرفش بالاتفاق همس دخلت هى وأدهم لقتهم كلهم قعدين وبصولها بفرحه خبوها بسرعه قبل ماتشوفها رحبوا كلهم بأدهم الى بص لاياد وغمزله فاياد فهم وابتسم اسر شافهم هو كمان وفهم
همس لحنين هى ماما لسه نايمه
حنين لا ياحبيبتى صحيت وسالت عليكى
همس طيب تعالوا ندخل لها علشان عايزاكم فى موضوع
دخلوا كلهم عند هناء همس راحت باستها عامله ايه دلوقت ياماما
هناء بصوت تعبان الحمد لله انتى كنتى فين ياهمس
همس بصت لأدهم كنت مع أدهم وبصتلهم كلهم انا ياجماعه انا يعنى
أدهم كمل بدلها انا وهمس هنتجوز
الكل فرح جدا وخصوصا هناء الى خده همس فى وعيطت من الفرحه
هناء بدموع الف مبروك ياقلب امك
همس طيب ليه الدموع دلوقت
هناء ابتسمت دى دموع الفرحه وبصت لأدهم الف مبروك ياحبيبى
أدهم راح وكان نفسه يقولها شكرا ليكى انتى الى خليتيها توافق حتى لو جواز ناقص المهم انها معاه وليه الله يبارك فيكى والف سلامه عليكي
اسر راح أدهم ووشوشه الف مبروك انت عملت ايه خلتها وفقت
أدهم بنفس الوشوشه مش انا الى عملت الحاجه ربنا يخليها الى عملت
اسر
فهم قصده وعرف اخته وفقت ليه مش مهم السبب المهم انها وفقت
أدهم عايز يقوله انت مش عارف حاجه ده جواز مع وقف التنفيذ اه المهم انها وفقت الحمد لله
اسر الف مبروك يا صاحبى
ادهم الله يبارك فيك ياحبيبى
حنين غمزت لمنه واياد وكانوا الفرحه مش سيعاهم حنين جرت اتصلت بناديه
حنين الو ايوا يانونا مبروك الخطه نجحت بامتيااااااااز
لقت صوت من وراها وقف قلبها خطة ايه دى الى عملتوها !!!!!!!
روايه عشق الادهم ..
الحلقه السابعه عشر ..
حنين لقت صوت من وراها وقف قلبها خطة ايه دى الى عملتوها !!!!!!!!!!!
بصت وراها لقيتها منه بتقلد صوت همس اخدت نفسها وبصت لمنه بعيظ الى وقفه مېته من الضحك انتى يابت عايزه تموتينى حرام عليكى وقفتى قلبى
منه مش عارفه تتكلم من كتر مابتضحك ههههههه مش قادره قلبى هيقف هههههه شكلك كان حلو قوى وانتى مبرقه هههههههه
حنين مسكتها من شعرها اضحكى كمان والله
مانا سيباكى جريت منه لقت همس فى وشها استخبت وراها الحقينى ياهموسه اختك عايزه تضربنى.
همس ضحكت عليهم فى ايه ياحنين عايزه تضربيها ليه
حنين بصت لهمس مش عارفه تقولها ايه منه بصتلها وغمزتها ماتقوليلها عايزه تضربينى ليه
حنين بتحاول تمسك منه يابت والله لو مسكتك لقص لسانك ده
همس بتحاول تخلص طيب قوليلى عملت فيكى ايه
منه هقولك انا ياهموسه كل الحكايه انى سمعتها وهى بتكلم
حنين قاطعتها خاڤت لتقول لهمس منه اتلمى احسنلك
منه ضحكت ياستى ايه المشكله لما اقولها دى حتى تفرح بصى ياهمس الست ماما عايزه تستفرد ببابا
وقال ايه عايزانى ابات عندك وبصت لحنين وغمزتها مش كده يماما
حنين بصتها مش عارفه تعمل فيها ايه منه امشى من وشى احسنلك
منه جريت دخلت عند هناء وهمس عماله تضحك عليهم
همس كل ده علشان كده طيب فيها ايه يعنى ولا انتى مكسوفه من بنتك
حنين بصتلها وبتقول لنفسها والله مانتى فاهمه حاجه
أدهم خرج واستاذن يمشى حور جريت عليه
حور خليك معانا يابابا شويه اقولك اتغدى معانا ماشى
أدهم شالها معلش ياحبيبتى خليها مره تانيه
حنين لا ياأدهم مينفعش تمشى داوقت غدا عيب لما تمشى ماتتكلمى ياهمس
همس اه صح مايصحش انا عشر دقايق والغدا يجهز
دخلوا البنات يجهزوا الغدا وأدهم وأسر وإياد وفارس الى اجى لما عرف الى حصل قعدوا مع بعض
إياد انا فرحان قوى اخيرا هفرح بيك
أدهم بصله وسكت هو فرحان انها خلاص هتبقى معاه وعلى اسمه بس كان نفسه تبقى موافقه تتجوزه علشانه هو مش عشان مامتها
اسر بصله مالك ياأدهم انت مش فرحان
أدهم بسرعه لا طبعا اكيد فرحان
أسر انا فاهم انت زعلان ليه
أدهم بصله وأسر كمل مش مهم هى وفقت ليه ياأدهم المهم ان جاتلك الفرصه انك تثبتلها انك بتحبها بجد وصدقنى همس لو مش عايزاك مكنتش وافقت هى اه خاڤت على ماما بس برده هى كانت عايزه سبب يساعدها توافق